USAP PAETE

[batang_patio]

Participant: Mark Philip Cagayat (Tok d' Great)


“Kung Paanong Makatutulong ang Kabataan sa Pag-unlad
ng Bayan”


Katulad nga ng sinabi ni Dr, Jose Rizal. “Ang
kabataan ang pag-asa ng bayan” Ngunit ito ba ay tutuma
sa kasalukuyang nagyayari sa ating bayan? Pwedeng oo,
pwedeng hindi, ngunit papaano nga ba makatutulong ang
kabataan sa pag-unad ng bayan?

Makatutulong tayo sa pamamagitan ng maraming paraan.
Tulad ng pagsunod sa mga batas na ipinatutupad ng
ating bayan. Isa na dito ang pagbabawal ng pagtatapon
basura sa mga at daan at lalo na sa ilog na sadyang
nakaaapekto sa mga mag-aaral sa tuwing aapaw ito kung
malakas ang pag-ulan dahil sa mga basurang naiipon sa
ilog at ito ay bumabara at nagigin sanhi ng pagbaha.

Isa din ay ang pagtulong ng mga kabataan sa pag-unlad
ng turismo, kung tayo ay may malinis na kapaligiran ay
maraming turista ang maaakit na pumunta dito, bibili
sila ng mga produkto mula sa atin at kikita ang marami
sa ating mga kababayan, isa na dito an ating mga
magulang na nagsisikap sa buong maghapong mag-ukit at
magtaka para lamang makatustos sa ating pag-aaral.
Bilang pasasalamat sa ating mga magulang at guro
nararapat lamang na sumunod tayo, tayong mga kabataan
na pag-asa ng bayan.

Ang pagsusugal at pag-inom ng alak ay atin na ring
iwasan, ngayon pa lang habang nasa mababang paaralan
pa lang tayo wag na natin itong subukang pag-aksayahan
ng oras sa halip ay ang ating pag-aaral na lang ang
atupagin natin. Gumawa ng mga assignment at project sa
eskwelahan at tumulong sa mga gawaing bahay, sa
pamamagitan nito ay napakalaki na ng maitutulong natin
bilang mga kabataan.

Ang pagtatapos natin sa pag-aaral ang isang
pinakamalaking tulong na magagawa natin sa ating bayan
lalong higit sa ating mga sarili dahil sa pag-aaral
nakasalalay ang ating kinabukasan, at malay nyo isa sa
atin ang maging susunod na Mayor ng ating bayan, o
kaya naman ay sikat na mag-uukit na hinahangaan ng mga
taga ibang bansa.


By: TOK d’ GREAT